اولا :
بلغ السيل الزبى ..وهزُلت..كل يوم والثاني يوصلتني ايميل او مسج ع الجوال تحتوي على مقارنة السوريات وغيرهم بالسعوديات
ثانيا:
قال تعالى:{فَمَنْ اِعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اِعْتَدَى عَلَيْكُمْ}
وقال سبحانه:
:{وَجَزَاءُ سَيِّئَةٍ سَيِّئَةٌ مِثْلُهَا }
وقال جل في علاه:
قال تعالى:{وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ }
والمسلم مخير بين رد الاساءة بنفس الدرجة او العفو او الاحسان
والثانية والثالثة ماتبين فالرجل السعودي فماراح استخدمها
الى كل انسان سعودي مكتوب في بطاقة احواله ذكر
هالمرأة المحافظة الملتزمة المحتشمة العفيفة الطاهرة الغافلة عن الدنايا السعودية
هي جدتك وامك وعمتك وخالتك واختك وزوجتك وبنتك
كلامك عن السورية لايدل الا على ماضيك الاغبر والا وش عرفك عن السورية وتعاملها وكلامها وجسمها
يعني سترك الله بس ودك تفضح نفسك
وجاي تبرر سفرياتك المتتالية لسوريا ..!!
وتبرر زواجك من الرقاصة الفلانية فالكازينو الفلاني..!!
تبرر علاقاتك الغيركويسة وتعطيها اعذار ..!
بعدين من وين جات السعودية مثلا..!؟
موالمرأة هي التي تُخلق من الرجل
يعني الجينات اللي تحملها ماهي الا جينات اباها وجدها
يعني انتو الوباء والبلاء
ولو تزوجت ياسعودي روسية تلمع بناتك بتطلع ركبهم سود..على ابوهم
ولو تتزوج بروفسورة المانية بتطلع عقليات بناتك صغيرة..على ابوهم
ولو تتزوج شاعرة تركية بتطلع ألسنت بناتك سم..على ابوهم
يعني الحل هو التخلص منكم
عشان ماتتكاثر جيناتكم المروحة
ولو يعطيني ابوعابد صلاحيات ملكية لمدة يومين
على طول انفيكم للربع الخالي واجيب الصينيين يسوون لكم مثل صورهم العظيم على اطراف المنطقة بس يخلونه مكهرب
لين تنقرضون
وافتح باب الزواج من الخارج للبنات
تحت شعار :فلنحمي مستقبل بناتنا
بعدين لحظة وش عندكم عالمحشي والخضروات هاليومين..!؟
السوري لازم ياكل خضروات ومحشي وسفرة اشكال والوان عشان يحافظ على لون خدوده الوردي
بس السعودي على اي اساس ياكل خضار..؟!
انتم اقصى طموحكم كبسة ضب او تيس مندي ..
واذا واحد سوت له زوجته ايدام بوز كفراته وطلع ركض
عالمطعم البخاري ياخذ رز 4 انفار ويغمز للرفيق يقول:كثر
وياقلب لاتحزن...صبراً جميل أيتها الفتاة السعودية والله المستعان على مايصفون
وللاسف مايكفي السعودي الجينات المروحة اللي مورثها لبناته
ويكمل بالتربية الفاشلة
ويعبي بناته عقد بالدرزن
ويربي اولاده على نفس الاساليب عشان لومات يضمن بقاء هالعقد عند البنت
ومع هذا تكافح هالبرئية وتصارع هالظروف وتتثقف نفسها وتتطور وتستعد لبناء حياة زوجية سليمة
وتصبر نفسها وتقول اكيد بس ابوي واخواني اللي كذا
ماتدري مسكينة ان مصيرها تفطر على بصلة
وش عرفني انا؟
لان هذا الموجود
واذا جاء هالفارس المتلطم راحت السوق وشرت اي شي عليه حرفه
وبدت المغدورة تسمع قصائد وترسم قلوب
وتدخل هالعلاقة المقدسة وهي مصفية النية
وتبدى رحلت العنى مع هالسعودي المتوحش
ويشتغل عليها تحطيم وكررش لين ترمي اخر سلسة عليها حرفة مع الطاقة
ويجي بكل بساطة يقول ..السعودية بس بداية الزواج تكون رومانسية بعدين تقلب
والمفروض يقول:السعودية قدرت تقاوم بثارتي 3 شهور
اما موضوع المهر ومامهر فمو ذنبها هذي قوانين وضعتوها انتم يالرجال
والله ماسوو السعوديات مؤتمر وطلعوا بتوصيات احداها كم يدفع الخاطب مهر..!؟
وبعد هالمهر اللي طلعه من قلبه مو من جيبه
ماعاد تشوف منه شي
الا كيس دجاج وكيس رز لكرشته
ومرتين فحياتها هديه وغير مغلفة والسعر عليها مايشيله ويمكن يزيد صفر جنبه<<هاذا اذا عطاها هديه
<والله مايعرفلكم الا السورية تخليكم تكدون على حارتها كلها ومافي مانع ترسل لاقاربها المغتربين
وشي طبيعي انها تسايركم لانها مومعشمه فيكم اصلا
وتعرفون نظرة الاجانب للسعوديين
فتدخل وهي معشمه فحسابه فقط
مومثل السعودية المسكينة اللي حاطه كل العشم فهالسعودي
فتعمل لكل كلمة وفعل منه الف حساب
ولوركزت شوي فالواقع كان عطتكم الحجم اللي اعطتكم اياه الاجنبية
ولو جمعنا مايصرفه السعودي على سفرياته للبحرين وسوريا والمغرب وغيرها
ومايدفعه في مراقصها
ومايكده على بناتها
والمصروفات اللي يدفعها على عشيقاته
ومن ضمنها بطائق الشحن للجوال
والمهايطات والمظاهر الكذابة
لبلغ اضعااف اضعاف تكاليف الزواج من 4 سعوديات وليس واحده
لكن يجلس يلعب بذيله مايقارب العشرين سنه لين يتطمن انه ماخلى مرقص ولابنت ولاخنبقة الاجربها
وسار مطفر ومديون وكله امراض ونفسيته مريضة
قال :المهور غالية ومافي سعوديات حلوات
سبحان من رفعهم عنك
لاانسينا موضوع اللسان اقرى احيانا( الاجنبية اسلوبها لطيف وراقي)..؟!
طيب هي ابوها واخوها يكلمونها بهالطريقة ويشجعونها عليها
اما السعودي :يابنت تكلمي زين..
وش فيك تتدلعين بصوتك بلاقلة حياء
من وين جبتي كلمة عمري!
ايش الحركات المايعة هذي اجلسي زي الناس..امسحي المكياج عييييب.. وهلم جرا
السعودي وضعين ينعدل لسانه فيها ..وهو يغازل ..وفي هالحالة مايستغني عن مجلة فواصل لازم تكون فحضنه
او فأول مكالمة مع خطيبته..واذا بغى يسوي جنتل معاها قال:وش سار لك يوم شفتيني ؟
<وش تتوقع يعني..اكيد ارتطمت بالواقع وندمت انها قد شافت تليفزيون..
رضينا بالهم والهم مارضا فينا
اقول
ماتلاحظون الشباب السعودي
ياواحد عنده رهاب اجتماعي
ياواحد بجـــح حتى كلامه له ريحه !؟
الاضافة عالايميل مفتوحة للبنات :
طلعوا اللي بقلوببببكم لايردكم االا الكيبورد
*واعتذر من كل سعودي محترم يعرف قيمه المرأة السعودية وما يخنبق بهالكلام التافه
<متأكده اعتذاري ماراح يوصل احد .
الله اكبر الله اكبر
ظهر الحق وزهق الباطل
حسبي الله ونعم الوكيل على كل سعودي
ما يقدّر زوجته ولا يقدّر كل اللي تسويه له
لانكم سبب في تدمير الحياة الاسريه
لانه اولا عيونكم فارغة ما يمليها الا التراب
ولانكم ما تقدروا العشرة حتى لو كانت 30 سنه
تنكروها وترموا حريمكم ولا كأنهم عاشوا معاكم عمر
والشي الاهم انكم تفضلوا بنات بره على بنات بلدكم
اللي هم اساساً تربيتكم وتربية ابهاتكم
ويالييييييييت يبان فيكم المعروف الله يقرفكم ويقرف اشكالكم
مالت عليكم مااااااااااالت
الله يخلف على امهات جايبينكم
ليه رومانسيتكم تطلع للاجنبيات
وليش تطلع للصحبات والعشيقات بس
ليه طيب ما تدلع زوجتك وتعطيها من الكلام الحلو
بكذا تكسبها وتشوفها بأحلى صورة دائما
لكن ما نلقى منكم غير التأفف والكلام اللي يسم البدن
كلمة رومانسية ما تطلع الا بطلوع الروح
هدايا ما نشوفها غير في السنه حسنه ومرات مااااافي
طيب انتوا تمدحوا في السوريات والمغريبا وغيرهم وصخين كثير وهم اصلا يجروا ورا فلوسكم بس يا اغبياء
احنا ما نبيكم نبي رجال اجانب
روح شوف اللبناني كيف يدلع زوجته
وشوف البريطاني كيف يعشق زوجته وطول ما هوا رايح وجاي يبوسها
خارج وداخل يقول لها احبك
والله ما نشوف الاشياء هذي ولا نسمعها الا اول شهر زواج
بعدها ترجعوا رجال السعودية الهمج المعفنين المخمجين
اللي طول الليل والنهار بالز الرسمي اكل شارب نايم داخل خارج ما يشيله من عليه
ليييييييييييييه طيب وانت تبي زوجتك تكون قدامك بأحسن ما يكون وانت بالمنظر هذا
عيب عليكم استحوا
ترى الشغله ما تكلف
جيب لك بنطلون بيتلو بـ 10 ريال
ومعاه تيشيرت كمان بـ 10ريال واجلس بها في البيت
وش بيصير لك يعني
انتوا تحسبون ان هاللبس انيق
تراكم كأنكم اكياس زبالة بس بيضا
يعني مرررررررررره اللبس مافيه اي اناقه ولا شياكه ولا اي صفة حلوه
عييييييييييييييب عليكم والله عيب ودي اقتل اللي صممه بس
من الاخر بعد الكلام الطويل العريض هذا
تفو تفو تفو على كل واحد يفكر بوحده غير بنت بلده
وتفو على كل واحد ما يقدّر زوجته ولا يحترمها
وتفو على كل واحد ما يحس بمشاعر زوجته ويقابلها ببرود
الله ياخذكم يا باردين
ومني لكل بنات السعودية
ولكل زوجة منكوبه
بوسه كبيرة على جبينكم
واصبروا لكم الجنه بإذن الله
وتحية كبيرة لكاتبة الموضوع
نقلا من الايميل
الإهداءات
« آخـــر الـــمـــشـــاركــــات »
ليه ركبتها سوداء ؟ماتطبخ الا كبسة ؟ <رد على كل سعودي ههههههههههه موب صاحيه هالبنت
العرض العادي
